ኢትዮጵያዊያንን ጨምሮ የቀጠናው ሀገራት ዜጎች ወደ ሊቢያ እንዳይገቡ ታገዱ

የምስራቅ ሊቢያ አስተዳደር የኢትዮጵያ፣ የሱዳን፣ የኤርትራ እና የሶማሊያ ዜጎች ወደ ሀገሪቱ እንዳይገቡ ማገዱ ተሰምቷል፡፡

በሁለት ተከፍላ የምትተዳደረው ሊቢያ የምስራቃዊው ክፍል አስተዳደር፣ የምስራቅ አፍሪካ ሀገራት ዜጎች ወደ ግዛቱእንዳይገቡ እገዳ መጣሉን አሾሼትድ ፕረስ (AP) ዘግቧል። የምስራቃዊ ሊቢያ አስተዳደር ገደብ የጣለው፣ በሀገሪቱ ሰሜናዊየባህር ዳርቻ በኩል ወደ አውሮፓ ለመሻገር የሚጎርፉትን ስደተኞች ቁጥር ለመቀነስ ያለመ ሳይሆን እንዳልቀረ ተገልጿል።

ይህ እገዳ የሱዳን፣ የኤርትራ፣ የኢትዮጵያ እና የሶማሊያ ዜጎች “በማናቸውም የምድር፣ የባህር እና የአየር ትራንስፖርት ወደሊቢያ ግዛት መግባት የተከለከለ ነው” ይላል ተብሏል። በሁሉም የጉዞ ማራጮች ላይ በተጣለው ገደብ፣ ዲፕሎማቶችእንዲሁም የጤና እና ትምህርት ዘርፍ ሰራተኞችን እንደማይመለከት ተጠቁሟል።

የሊቢያ የባህር ዳርቻዎች የተሻለ ህይወትን ፍለጋ ወደ አውሮፓ የባህር ጉዞ ለሚያደርጉ ለሰሜንና ምስራቅ አፍሪካ ስደተኞችዋነኛ መሸጋገሪያዎች ናቸው። ስደተኞቹ በአብዛኛው በህገ-ወጥ አዘዋዋሪዎች አማካኝነት ለአደጋ በተጋለጡ ትናንሽጀልባዎች የሚጓዙ ሲሆን፣ በዚህ አስቸጋሪ የባህር ጉዞ ወቅት በሺዎች የሚቆጠሩት ህይወታቸውን ያጣሉ።

በተያያዘ ዜና ባለፉት ጥቂት ወራት ከሌሎች ሀገራት የሚገቡ ስደተኞች እዚያው እንዲቋቋሙ የሚደረገውን ጥረትተቃውሞ ገጥሞታል። ስደተኞች በሊቢያ እንዲቋቋሙ የሚደረገውን ጥረት በሚቃወሙ እንቅስቃሴዎች፣ በስደተኞች ላይሰፊ ዘመቻ እየተካሄደ ነው ተብሏል፡፡

የተባበሩት መንግስታት ድርጅት (ተመድ) መረጃ እንደሚያመለክተው፣ በአሁኑ ወቅት በሊቢያ ከ900 ሺህ በላይ ስደተኞች እናጥገኝነት ጠያቂዎች ይገኛሉ፡፡ አብዛኛውን የስደተኞች ቁጥር በእርስ በእርስ ጦርነት የምትታመሰው የሱዳን ዜጎች የሚይዙሲሆን፣ እሰከ 40 ሺህ የሚገመቱ ኢትዮጵያንም አሉ፡፡

አብዛኞቹ ስደተኞች ወደ አውሮፓ ለመግባት ጥረት የሚያደርጉ ቢሆንም፣ ጀልባዎቻቸው በባህር ላይ በተደጋጋሚተጠልፈው ወደ ሊቢያ እንዲመለሱ ይደረጋል። በባህር ላይ የሚገጥማቸው የመስጠምና የመገልበጥ አደጋም በተደጋጋሚየሚሰማ ሲሆን፣ በዚህም በየጊዜው የሞት መርዶ ይሰማል፡፡