ሕወሓት በራያ የእንቅስቃሴ ገደብ መጣሉ ተገለጸ

የህወሓት ታጣቂዎች ከፍተኛ ውጥረት በተፈጠረበት በራያ ቀጠና የትራንስፖርት ገደብ መጣላቸው ተሰምቷል።

ታጣቂዎቹ በተቆጣጠሯቸው እንደ ራያ አላማጣ፣ መሆኒና ኮረም ባሉ አካባቢዎች ከነገ ሐምሌ 27/2018 ዓ.ም ጀምሮየትራንስፖርት እንቅስቃሴ እንደማይኖር ትዕዛዝ ማስተላለፋቸውን ሆርን ፎሪኩዌንሲ ከነዋሪዎች ሰምቷል።

በአካባቢው ቀድሞውን ከፍተኛ ወከባና ውጥረት በተፈጠረበት ሁኔታ፣ የትራንስፖርት እንቅስቃሴ ገደብ መጣሉ ነዋሪዎችንአስግቷል። ታጣቂዎቹ ለማኅበረሰቡ ያስነገሩት የትራንስፖርት እንቅስቃሴ ገደብ ከወቅታዊ ውጥረቱ ጋር የተገናኘ ሊሆንእንደሚችል ምንጮች ጠቁመዋል።

በአካባቢው በህወሓት እና በፌደራል መንግሥት መካከል ከፍተኛ ውጥረት መፈጠሩን፣ መዘገባችን ይታወሳል። በተለይምትላንት ሐምሌ 26/2018 ዓ.ም በኢትዮ-ሱዳን ድንበር ሸረሪና ግጭት መቀስቀሱን ተከትሎ፣ በራያ አካባቢዎችም ውጥረቱማየሉ ተጠቁሟል።

ሸረሪና በተባለው ስፍራ የተከሰተው እና በህወሓት እና የፌደራል መንግሥትመካከል የተፈጥረው  ግጭት ለጊዜው የቆመቢሆንም፣ ውጥረቱ አሁንም በተለያዩ አቅጣጫዎች እንዳየለ ነው። በራያ አካባቢዎች በሁለቱም ኃይሎች በኩል በቅርብርቀት ላይ መጠነ ሰፊ ወታደራዊ ዝግጅት መኖሩን ምንጮች ተናግረዋል።

የተፈጠረው ውጥረት በህወሓት እና ፌደራል መንግሥት መካከል ዳግም ጦርነት የመቀስቀስ እድሉን ከፍ አድርጎታል።